اقوي موقع لتحميل كتب في جميع مجالات التقنية مجانا 2023

زي ما اتعودنا نجيب لكم كنوز ومصادر من الانترنت النهارده جبنا لكم موقع بيقدم كتب في مجالات التقنية المختلفة و بشكل مجاني بالكامل و طبعا معظم الناس بتدور على كتب في التقنية عشان تحسن و تطور من نفسها لكن اللغة بتبقى عائق كبير عند ناس كتير لكن الموقع اللى هانتكلم عنه النهارده في الكتب باللغتين العربية و الإنجليزية و سهل جدا في التحميل  و التصفح يبقى انتى كل اللى عليك تجهز لى تلفونك و نفسك و تظبط وقتك وتعالى نتعرف مع بعض على الموقع.

موقع Freewsad  :

من المنصات العربية اللى تم اطلقها حديثا و اللى اتخصصت في مجالات تكنلوجيا المعلومات والتسويق وحاليا بتتجه لانها تقدم المحتوي العلمي على شكل كتب صغيرة ومتلخصة بتقدم زتونة المنهج و الكتب دي كتبها ناس كبيرة و تقيلة في المجال و كمان الموقع فيه كتب مترجمة لان مفيش مؤلف عربي قدم محتواها قبل كدا و من مميزات الموقع انه بقدم الكتب باللغتين العربية و الإنجليزية فا طبعا لازم تتأكد من اللغة قبل تحميل الكتب.

أنواع و اقسام بعض الكتب في موقع Freewsad :

• برمجة الويب و بتحتوي على كتب بتشرح (php, HTML, Javascript, css)
• البرمجة و بتحتوي على كتب في مختلف لغات البرمجة زي (Python, Java, C++, C#)
• التسويق بيشغل جزء من الموقع و من افضل الكتب هو مدخل الى عالم التسويق
• الموقع بيحتوي على كتب بتقوم بتأسيسك للبرمجة في مجالات مختلفة زي الخورزميات و البرمجة الشيئية
• التصميم الجرافيكي : الموقع بيحتوي على كتب في التصميم زي كتب الفوتوشوب
• قواعد البيانات : فيه كتب كتير بتتكلم عن قواعد البيانات بمختلف انوعها من SQL,Orcal و غيرها كتير
• كتب الذكاء الاصطناعي
• كتب تطبيقات الهواتف الذكية
• كتب في مايكروسوفت اوفيس وورد و اكسيل و اكسس وباوربوينت وغيرها
• كتب في الاردوينو لمهندسين الالكترونيات والكهربا و الميكانيكا
• كتب الشبكات
• كتب امن المعلومات واختبار الاختراق
• كتب في الامن السيبراني و التحقيق الجنائي الرقمي
• وغيرها الكتير

شرح الموقع و تحميل الكتاب :

• بتختار اللغة من اعلى الموقع سواء عربي او انجليزي
• بتختار الكتاب اللى انته محتاجه و بتضغط عليه
• بتدخل الاميل بتاعك لأول مره فقط
• و بتضغط على كلمة Download
• و بكدا هايتحمل الكتاب بنسخته PDF على جهازك