Sponserd Ads
ما هو رأيك في المساواة بين الرجل والمرأة
ما هو رأيك في المساواة بين الرجل والمرأة
– ايه ده انت احمد
= بأذن الله
-انت طلعت قصير اوي في الحقيقة !!
Sponserd Ads
= اه ١٧٥ سنتي أمشي بيهم حالي
– تعرف أن انا مش بحب الراجل القصير يعني اقل من ١٨٠ ميملاش عيني
= عندك حق يا أنسة مريم والله مهو كل واحد وزوقه يعني أنا مثلا مبحبش البنت اللي تحت عينيها اسود زيك كدة .. دي بودرة !
– ايه !!
= بس شكلي هحبك .. عشان فيكي من أبوتريكة
– ازاي مش فاهمة ؟!
= رجليكي مقوسة زيه هو كان عنده تقوس خفيف كدة بردو
– بس ده بادي شيمينج انت معندكش زوق علي فكرة
= وال١٧٥ سنتي بتوعي كانوا بادي لوشن !!
– خلاص فكك من الشكل خالص ده بتاع ربنا
= عندك حق خلينا نتكلم في المهم انا حابب افهم دماغك اكتر
– انا عايزة ارتبط بواحد يخاف عليا ويحتويني ويكون بيشتغل شغلانة محترمة وعنده عربية وفرفوش وميكونش سنه كبير ويصالحني ويهتم بيا واهم حاجة يكون مؤمن بالمساواة بين الراجل والست مش عايزاه رجعي
= وانتي يا مريم هتقدميله ايه ؟!
– هديله اهتمام وحب وكل حاجة
= مينفعوش يا انسة مريم .. انتي عرفتيني فوق انك مؤمنة بالمساواة وبالتالي لازم تشاركيه في الشغل والبيت والفرفشة وحتي في العربية .. فوليها حتي يا مريم ، اعمل ايه بالاهتمام والحب مش هفول العربية بالحب انا يا مريم
– هو يا اما رجعي يا اما استغلالي ، انت عايز واحدة تصرف عليك !
= انا مقولتش انا عايز ايه لسة انتي اللي قولتي مساواة مش انا .. انا بحاول احققلك طلباتك الاول ..
اه صح نسيت اقولك انك بالشكل ده هتشاركي في تمن الشقة والفرح
– بس دول عالعريس !
= انتي مش بتؤمني بالمساواة ليه يا انسة مريم ، انتي رجعية ؟!
– انت بتتكلم معايا كدة ليه في ستات بميت راجل علي فكرة
= اسمها في ستات جدعة يا مريم والراجل مش وحدة قياس الإنسان ، اه نسيت اقولك انتي متناقضة علي فكرة
– وانت قليل الذوق حد قالك كدة قبل كدة
= اه ، انتي
– انا هقوم واضح اني هزقت نفسي لما قعدت مع واحد زيك
= ٦٠ جنيه يا مريم ان شاء الله
– هو ايه ده ؟!
= انتي شاربة مانجا وانا شارب قهوة مش من المساواة اني ادفع انا كله
– انت عايزني كمان احاسب انت المفروض الراجل !!
= انا مش سبونسر يا انسة مريم وبعدين في ١٢ جنيه ونص ضريبة وخدمة
– امسك الفلوس اهي انت واطي
= معلش ١٧٥ سنتي بقي .. يا انسة مريم رايحة فين !! ال١٢ جنيه ونص .. مريومة