أشهر كذبة فى تاريخ الجامعات المصرية

وداعا لكذبة التسويق الشبكي

كلنا سمعنا عن التسويق الهرمي و التسويق الشبكي لما واحد ييجي يقولك تعالى معايا ندخل فى شركة تسويق و نكسب ملايين ونلعب بالفلوس لعب. طب ازي ؟ يقوم يقولك انا مسجل على شركة P#*#* و انته هاتيجي تحت مني وتسجل وتقوم تجيب حد يسجل تحت منك وانا وانته هناخد نسبة من كل واحد هايسجل تحت مننا ونقعد نجيب ناس تسجل و نضحك عليهم زي منا ضحكت عليك و جبتك تسجل تحت مني ونقعد نلف فى دواير ونشوف هانرجع فلوسنا ازي. وانا بقولك كل دا نصب فى نصب و هافهمك ازي.

ايه هو التسويق الهرمي :

هانسميه مشروع النصب الهرمي الموضوع بيبدأ بوهم بالثراء السريع وفكرته بسيطة هي استراتيجية احتيال استثمارية بتعتمد على التمويل من المستثمرين الجدد او الزبون بمعني اصح و المستفيد الرئيسي هو الشخص المتربع على قمة الهرم

و الهرم عبارة عن نموزج تخيلي للأشخاص يعني مثلا فلان فى قمة الهرم جاب اتنين تحت منه وكل واحد فيهم جاب اتنين وهكذا هايبقى الفلان هو فى القمة وكل واحد جه بعده هو التابع او القاع بتاع الهرم

اما التسويق الشبكي :

عبارة عن ساتر للمستثمرين فى مجال التسويق الهرمي عشان يحموا نفسهم من المسألة القانونية بحجة ان الشركة بتعمل تسويق للمنتج نفسه مقابل عمولات و مش بتقوم على جمع افراد و أموال

 

بعض هذة الشركات مثل P#*#*  – ا****ى- ا**ن- ه***ي- ف****ك- م*** **ي- إ******س- في **** ****ل-ك*****ن-ن****ا- ت*****ر- ك** **

زي ما بتقول الشركة انها بتقدم كورسات ودورات فى مجال التنمية البشرية بشهدات معتمدة و هدفها العام تنمية حياة الفرد و المجتمع

تقول شركة  P#*#* أنه فيه فرصة كبيرة للربح من خلال الشركة عن طريق أنك لو جبت أشخاص آخرين للالتحاق بالدورة هتاخد عمولة نظير اشتراك الشخص وكذلك لو جاب هو اشخاص تانيين هياخد عمولة وكل مايزيد عدد الأشخاص الملتحقين بالدورة من خلالك هاتزيد فلوسك. ده اللى بتقوله الشركة وتفهمك انه مفيش اي علاقة بينه وبين التسويق الشبكي طب فين النصب :

• الدورات اللى بتقدمه الشركة ضعيفة ولا تمت لأي محتوي بصلة.

• الشهادات مش متوثقة من اى جهة معتمدة بل بتبقى مختومة بختم الشركة يعني مفيش ليها اي معني كا وثيقة معتمدة.

• الشركة بتقول ان التسويق مباشر ومفيش اى علاقة بينه وبين التسويق الشبكى لكن الحقيقة هي العكس لان التسويق مش مباشر وقائم على مبدأ التسويق الشبكى

• الشركة بتحاول تقنعك انك هاتبقى فى أعلى المناصب فيها لما تشتغل اكتر وتسوق اكتر وتجيب ناس تسوق أكتر وده فى الاخر مبيحصلش

• فى النهاية انا قدمت لك حقيقة التسويق الشبكي و الهرمي ومثال عن الشركات وهاسيب لك القرار لان بالمنطق مفيش ثراء بين ليلة وضحاها .

 

حكم التسويق الشبكي :

 وقال  مدير إدارة الأبحاث الشرعية وأمين الفتوى بدار الإفتاء المصرية، إن عمل شركات التسويق الشبكي فيه ما هو حلال وما هو حرام وهناك بعض المعاملات إذا وجدت فان التعامل معها يكون حرام شرعًا و أفاد عضو هيئة كبار العلماء في الأزهر الشريف، بأنه لا يجوز التعامل بما يسمى حديثا بالتسويق الشبكي، منوها أن فيه ربا وغرر في نفس الوقت

 

ونوه عضو هيئة كبار العلماء بأن الربا في التسويق الشبكي يكون في بداية الدخول فيه، فيجب على المشترك أن يدفع اشتراك قبل العمل فيه، على حسب ما تقدره الشركة، وهذا المبلغ سيرد إليه مرة أخرى بالإضافة إلى الربح المخصص له واشار الى ان التسويق الشبكي فيه غرر لأن البيع يكون كدعاية فقط وليس بناء على الرغبة فى الشركة فالسلعة ستار للربا والغرر وإذا لم يأت العامل بأخرون للشراء او الدخول فى الشركة فلا ربح له.