كورساتمقالات عامة

أهم خمس مهارات مطلوبة بسوق العمل

طور مهاراتك

لو انت لسه طالب في الجامعه او لسه متخرج حديث وبتسال ايه هي المهارات اللي سوق العمل بيطلبها فاكيد المقاله دي هدفيك جدا في اخرها هتكون عرفت كل اللي بتسال عنه وكمان هتتعلمه بدون ما تدفع فيهم اي حاجه لانك هتتعلمه من كورسات اونلاين مجانيه

المهارات المطلوبة لسوق العمل:

  1. مهارة الابداع (Creativity)
  2. مهارة الإقناع (Persuasion)
  3. مهارة التعاون (Collaboration)
  4. مهارة التأقلم(Adaptability)
  5. مهارة إدارة الوقت(Time Management)

قبل ما ندخل في شرح كل مهارة لازم تكون عارف إن المهارات دي تم تحديدها بناءاً على احصائيات قدمتها المنصة العالمية “Linkedin”وتم ترشيحهم كاهم مهارات مطلوبة في 2019 لسوق العمل

والموضوع مش سهل وتعلمه محتاج جهد ومثابرة لازم تعرف ان الموضوع محتاج اهتمام وكل ما زاد اهتمامك زادت سرعة تعلمك واكتسابك للمهارات دي وتكون جاهز لسوق العمل

خلينا ندخل في الموضوع مباشرة ونشرح كل مهارة وطريقة تعلمها واكتسابها:

1-مهارة الابداع (Creativity):

مهارة الابداع أصبحت من اهم المهارات المطلوبة واللي الشركات ديما بتدور عليها في الموظفين والمتقدمين للعمل لديهم لان اي مكان حالياً محتاج لشاب مبتكر ومبدع يعرف يفكر خارج الصندوق ويتعامل مع المشاكل اللي بيقابلها بابداع

وهنا هتلاقي كورسات هتفيدك في اكتساب مهارة الابداع ومن اهمها كورس Ignite Your Everyday Creativity

الكورس جميل وممتع جدا وممكن تحصل في اخر الكورس على شهادة من خلال الدعم اللي بتقدمه كورسيرا والكورس مقدم من جامعة The State University of New York

لينك الكورس من هنا

2-مهارة الإقناع (Persuasion):

ليه مهارة الاقناع مهمه ولازم تكتسبها ؟!! لان ببساطه لو انت عندك افضل منتج في العالم ولديك افضل الاجهزه لازم يكون عندك القدرة على اقناع الناس عشان يشتروا المنتج بتاعك

عشان كدا لازم تكون لديك هذه المهارة لانها هتفيدك في كل حياتك مش بس في العمل والتسويق

ودا كورس ايضا مقدم من كورسيرا مجانا ودي الكورس المقترح Ethical Leadership Through Giving Voice to Values

الكورس مقدم من جامعة University of Virginia

لينك الكورس من هنا

3-مهارة التعاون (Collaboration):

مهارة التعاون من المهارات المهمه جداً لانك اكيد مش هتشتغل لوحدك في المكان ولازم تكون متعاون معاهم وتتعلم اذاي تشتغل في Team Work

الكورسات المقترحه هي :High-Performance Collaboration: Leadership, Teamwork, and Negotiation

الكورس مقدم من جامعة Northwestern University وطبعا مش محتاج اتكلم عنها والكورس المقدم حلو جداً

لينك الكورس من هنا

4-مهارة التأقلم(Adaptability):

وطبعا دي مهارة مهمه جدا خصوصا للعاملين حديثاً باي عمل لانك لما تشتغل في اي شركة جديدة لازم تتاقلم بسرعة مع ثقافة الشركة وزملائك في العمل

ود الكورس المرشح Organisational design: Know your organisation وطبعا ممكن تقدم على الدعم المالي للكورس 

الكورس مقدم من جامعة Macquarie University 

لينك الكورس من هنا

5-مهارة إدارة الوقت(Time Management)

طبعا انا مش محتاج اقول ان المهارة دي مطلوبة لسوق العمل لا دي مهارة مطلوبة في حياتنا كلها وهي اللي بتفرق بين شخص والتاني وبتميزه في عمله لان ديما ببتعرض لشغل مطلوب منك والوقت قصير جدا فلازم تتعامل كويس وتنظم وقتك

الكورس المقترح Work Smarter, Not Harder: Time Management for Personal

الكورس مقدم من جامعة University of California, Irvine

لينك الكورس من هنا

اكيد طبعا دلوقتي بتسال اذاي اقدم الدعم المالي لكورسيرا ؟؟؟!!!!

الفديو دا هيشرحلك الخطوات شاهد الفديو من هنا

 

الوسوم
اظهر المزيد
زر الذهاب إلى الأعلى
إغلاق
إغلاق